انتقل للمحتوى
أكاديمية U3
مبتدئمجاني

الذكاء الاصطناعي من الصفر

أول صورة ليك في أول درس، وبعدها الصورة الكاملة: الموديلات والأدوات والبرومبت والتكلفة.

  • 18 درس
  • ساعتين و50 دقيقة
  • شهادة إتمام
  • آخر تحديث:
مجاني
ابدأ مجانًااتفرج على أول درس
مقطع تجريبي لحد ما الفيديو الحقيقي يترفع

عن الكورس

كورس مجاني للي بيبدأ من الصفر فعلًا. مش محتاج خبرة ولا كمبيوتر قوي: كل حاجة بتشتغل على الكلاود من المتصفح، وكتير منها من الموبايل.

في أول درس هتطلّع أول صورة ليك بإيدك، ببريف بسيط من أربع حاجات: الموضوع، المكان، الضوء، والكاميرا. بعدها هنفهم ببساطة الموديلات بتشتغل إزاي، والفرق بين موديل اللغة وموديل الصور وموديل الفيديو، وخريطة الأدوات الحالية، وإزاي تكتب البرومبت كبريف إبداعي مش كأمنية.

هتفهم يعني إيه كريدت، وإزاي تحسب تكلفة التجربة قبل ما تصرف، وإزاي تستخدم صورة مرجعية. وفي الآخر هتحوّل صورتك لأول فيديو 5 ثواني بحركة كاميرا واحدة.

ده أول باب في طريقة U3: الأدوات بتتغير، والطريقة هي اللي بتفضل.

الكورس ده لمين

  • حد بيبدأ من الصفر وعايز يفهم قبل ما يشترك في أي أداة
  • صناع محتوى ومصممين ومسوقين عايزين بداية صح
  • أصحاب بيزنس عايزين يعرفوا إيه الممكن فعلًا
  • أي حد جرّب أداة وطلعتله نتيجة عشوائية ومش فاهم ليه

المشكلة اللي بيحلها

أغلب الناس بتبدأ بالأداة: تفتحها، تكتب سطر، تاخد نتيجة عشوائية، وتفتكر إن العيب فيها. المشكلة إن محدش شرحلهم الموديل بيفهم إزاي، ولا البرومبت المفروض يتكتب إزاي، ولا التجربة بتكلف كام. الكورس ده بيديك الخريطة قبل ما تصرف وقت أو فلوس.

في آخر الكورس هتقدر

  • 1تطلّع أول صورة ليك بإيدك من بريف بسيط من أربع طبقات
  • 2تفهم الفرق بين موديلات اللغة والصور والفيديو وتختار المناسب لكل مهمة
  • 3تكتب البرومبت كبريف إبداعي فيه موضوع ومكان وضوء وكاميرا
  • 4تستخدم صورة مرجعية عشان توصل لنتيجة أقرب للي في دماغك
  • 5تحسب تكلفة التجربة بالكريدت قبل ما تبدأ
  • 6تحوّل صورة لأول فيديو 5 ثواني بحركة كاميرا واحدة

مفاهيم طريقة U3 في الكورس

الكورس مقسوم طبقتين: طريقة ثابتة بتفضل معاك مهما الأدوات اتغيرت، وتنفيذ عملي على أدوات النهارده بنحدّثه أول ما أداة تتغير.

6 موديولات للطريقة
موديولين تنفيذ على الأدوات
اقرأ طريقة U3

المنهج

الدروس المعلّمة مجانية تقدر تتفرج عليها دلوقتي، والباقي بيتفتح لما تشترك.

  1. 01أول صورة ليكقبل أي شرح، هتطلّع نتيجة حقيقية بإيدك.الطريقةدرسين23 دقيقة
    1. أول صورة ليك في 15 دقيقة · فيديودرس مجاني14:00
    2. تعديل واحد يفرق · فيديودرس مجاني9:00
  2. 02الموديلات بتشتغل إزاي ببساطةفهم بسيط ومن غير معادلات للي بيحصل جوه الأداة.الطريقة3 دروس30 دقيقة
    1. يعني إيه موديل ذكاء اصطناعي · فيديودرس مجاني10:00
    2. موديل اللغة وموديل الصور وموديل الفيديو · فيديودرس مجاني12:00
    3. ليه النتيجة بتختلف كل مرة · فيديودرس مجاني8:00
  3. 03خريطة الأدواتالأدوات الحالية للصور والفيديو والصوت، وإزاي تختار من غير ما تشترك في كل حاجة.تنفيذ على الأداة3 دروس26 دقيقة
    1. أدوات الصور · فيديودرس مجاني9:00
    2. أدوات الفيديو والصوت · فيديودرس مجاني10:00
    3. المهمة قبل الأداة · فيديودرس مجاني7:00
  4. 04البرومبت كبريف إبداعيمن أمنية في سطر لبريف واضح بيفهمه الموديل.الطريقة3 دروس31 دقيقة
    1. فكّر قبل ما تكتب · فيديودرس مجاني9:00
    2. من سطر واحد لبريف · فيديودرس مجاني12:00
    3. المراجع: الصورة اللي بتشرح أكتر من الكلام · فيديودرس مجاني10:00
  5. 05الكريدت وتكلفة الإنتاجتعرف التجربة هتكلفك كام قبل ما تبدأ.الطريقةدرسين16 دقيقة
    1. يعني إيه كريدت · فيديودرس مجاني8:00
    2. مسودة رخيصة الأول، والنهائي بعدين · فيديودرس مجاني8:00
  6. 06أول فيديو 5 ثوانيصورتك من أول درس بتتحرك.تنفيذ على الأداةدرسين22 دقيقة
    1. من صورة لفيديو 5 ثواني · فيديودرس مجاني13:00
    2. حركة كاميرا واحدة بس · فيديودرس مجاني9:00
  7. 07الحقوق والأمان من أول يومالعادات اللي بتحميك وبتحمي غيرك من أول تجربة.الطريقةحقوق وأخلاقياتدرسين16 دقيقة
    1. وشوش الناس وأصواتهم والموافقة · فيديودرس مجاني9:00
    2. إمتى تقول إن الشغل معمول بالذكاء الاصطناعي · فيديودرس مجاني7:00
  8. 08خطوتك الجايةتختار الكورس الجاي حسب هدفك ووقتك وميزانيتك.الطريقةدرس واحد6 دقايق
    1. اختار مسارك · فيديودرس مجاني6:00

درس مجاني تجربه دلوقتي

أول صورة ليك في 15 دقيقةهتفتح Gemini أو Google AI Studio وتكتب بريف من أربع طبقات (الموضوع، المكان، الضوء، الكاميرا) لفنجان قهوة على بلكونة في إسكندرية وقت الغروب، وتطلّع صورة 4:5 حقيقية بإيدك. وبعدين تحفظ البرومبت اللي عملها عشان تستخدمه في باقي الكورس.

الأدوات المطلوبة وتكلفتها

تكلفة الأدوات غير مشمولة في سعر الكورس.

تقدير شهري تقريبي

من 0 لـ 20 دولار في الشهر

تقدير شهري تقريبي بالدولار لتكلفة الأدوات أثناء التمرين، اتراجع في 4 أكتوبر 2026. تكلفة الأدوات غير مشمولة في سعر الكورس.

كريدت التمرين التقريبي

30 توليد تجريبي (صور وفيديو قصير)

أغلب الدروس تنفع بالخطط المجانية. لو حبيت تجرّب أكتر في درس الفيديو ممكن تحتاج اشتراك شهر واحد صغير.

أدوات مطلوبة

أدوات اختيارية

تكلفة الأدوات غير مشمولة في سعر الكورس. تقدر تخلّص الكورس بالخطط المجانية للأدوات، والمبلغ المذكور تقدير لو قررت تجرّب أكتر. الأسعار بتتغير، فراجعها على المواقع الرسمية.

آخر تحقق: 4 أكتوبر 2026

المشاريع

  • أول صورة وأول فيديو

    صورة نهائية بمقاس 4:5 من بريف من أربع طبقات، وفيديو 5 ثواني منها بحركة كاميرا واحدة، ومعاهم البرومبت اللي عملهم.

قبل ما تبدأ

مفيش. محتاج بس حساب Google وموبايل أو كمبيوتر عليه متصفح.

الشهادة

أكاديمية U3 · شهادة

شهادة إتمام

بتتصدر لما تخلّص كل الدروس والتقييمات المطلوبة، وعليها كود تحقق يقدر أي حد يراجعه.

إزاي يتحقق أي حد من الشهادة

مين بيعلّمك

محمد يسريالمؤسس والمدير الإبداعي، U3 AI Agencyمؤسس U3 AI Agency ومديرها الإبداعي في الإسكندرية. بيعلّم في أكاديمية U3 نفس النظام اللي بيشتغل بيه على أفلام وإعلانات ومنصات لعملاء في مصر والخليج وأوروبا.

أسئلة عن الكورس

أيوه. كل دروس الكورس مجانية ومفتوحة. الأدوات نفسها ليها خطط مجانية محدودة وخطط مدفوعة، وهنقولك بالظبط إمتى ممكن تحتاج تدفع.

لأ. كل حاجة بتشتغل على الكلاود من المتصفح، وكتير منها من الموبايل كمان.

صورة وفيديو قصير عملتهم بنفسك، وخريطة واضحة للأدوات، وفهم يخليك تختار الكورس الجاي صح.

أيوه، شهادة إتمام من أكاديمية U3 بكود تحقق، لما تخلص كل الدروس والاختبارات المطلوبة.

آخر تحديث:

كورسات تكمّل بيها

  • مبتدئ

    حرفة الصورة

    11 طبقة بتحوّل البرومبت من أمنية لبريف تصوير: كاميرا وعدسات وضوء وخامات وهوية ثابتة.

    25 درس5 ساعات تقريبًا
    السعر هيتعلن قريب
  • متوسطالكورس الرئيسي

    عين المخرج

    اتعلم تشوف زي مخرج قبل ما تولّد أي لقطة: أحجام وزوايا وحركة ومونتاج وتريتمنت وستوريبورد.

    20 درس4 ساعات تقريبًا
    السعر هيتعلن قريب
  • متوسط

    إنتاج الفيديو بالذكاء الاصطناعي

    من الصورة الثابتة لفيديو ثابت الهوية: توجيه المحركات، الـ Elements، البرومبت بالتايم كود، والاستمرارية.

    22 درس4 ساعات تقريبًا
    السعر هيتعلن قريب

كمّل من هنا

صفحات مرتبطة بالموضوع ده فعلًا، مش روابط والسلام.

موضوعات أوسع في مركز المعرفة

الذكاء الاصطناعي من الصفرمجاني
ابدأ مجانًا